Princess Charlene's Fashion

فى اسبوع : من22 اكتوبر ل28 اكتوبر : دوقة كامبريدج

كيت لبست ده فى الاسبوع اللى بدأ يوم 22 اكتوبر و خلص 28
 فى حفل عشاء فى كلارنس هاوس بدل الامير تشارلز اللى كان فى المملكة السعودية بيقدم واجب العزاء فى ولى العهد
فستان اماندا ووكلى من مجموعة خريف-شتاء 2006
كيت عدلته شوية خليته هاى وايست و افتكر ان شكله كده بقى احلى .


كيت لبست مع الفستان الحلق و الاسورة الالماظ اللى تقريبا بتلبسهم فى كل حتة (بالليل) و اللى على ما اعتقد عبارة عن طقم اول مرة شفناهم كانت فى حفلة البافتا فى لوس انجلوس ، و لبست حذاء جيمى شو اللى لبسته قبل كده برضو فى حفلة البافتا من حوالى 4 شهور .

اعتقد ان الفستان حلو و مناسب للمكان , بس مش رائع , من المرات النادرة اللى نلاقيها لابسة حاجة لسنها , مش محافظ اوى زى اللى اتعودناه منها , بس فى نفس الوقت مغطى شوية من الكتفين .
بحساب ان كان قدامها وقت قليل جدا عشان ترتب و بحساب انه كما قيل فى الاعلام انها تعاملت كويس فى اول مرة تبقى لوحدها فى حدث رسمى افتكر ان كيت تستاهل تاخد جيد جدا !

Post a Comment