Princess Charlene's Fashion

فى اسبوع :من 29 اكتوبرل4 نوفمبر: دوقة كامبريدج





فى خلال الاسبوع اللى فات اللى بدأ يوم 29 و خلص يوم 4 كيت لبست ده
فى كوبنهاجن مع الامير وليام فى زيارة لليونيسيف مع ولى عهد الدنمارك الامير فريدريك و زوجته الاميرة مارى
البالطو من ( L.K. Bennett) استايل سبعيناتى باللون الاحمر الغامق اللى كيت اما مبتلبسش الوات ميتة بتلبسه . ده اللون العايش بتاعها :))


الحزام من ماركة كيت المفضلة (reiss)


مش عاجبنى خالص مالص , اوكى ماشى اللون حلو ولايق عليها , بس مش عاجبنى البوت و مش عاجبنى الحزام مخلى شكلها مرعب ,,, خصوصا فى الصورة دى


كتفين من غير وسط !! كيت لازم تتخن شوية الدايت اللى عملاه ده فى رأيى مخلى شكلها رفيع جدا
فى حين ان الاميرة مارى ارفع منها و حامل بس شكلها طبيعى اكتر , فى ناس بيليق عليها و ناس لأ .
ببس اعتقد انى هنا هدى العلامة لكيت مش لمارى , لأنه على كل عيوبة احلى من بتاع مارى اللى حسيته مش ماشى اوى على بعضه و على الجو . بس فى حاجة دى التيبيكال مارى , لو كانت مارى راخت لوحدها كانت هتلبس كده برضو , و لو كانت لبست اى حاجة غير ده كنت هقول عليها بتحاول تثبت انها بتلبس احسن من كيت (هى فى رأيى بالفعل الى حد ما استايلها محبب الى نفسى اكتر من كيت) .




بس لو جيت اختار الثنائى الكسبان فى اليوم ده مش عارف يبقى مين بصراحة , رغم انه فى رأيى كيت تغلبت على مارى الا ان فريدريك تغلب على ويليام بطريقة مش معقولة و جاب هدف ب15 نقطة ,,,,
انا هختار الثنائى الدنماركى لأن طقم فريدريك احلى بكتير و اكتر حيوية من طقم ويليام اللى بيلبس الجاكت نفس لون البنطلون و كرافتته دايما سادة ! فريدريك انقذ فريقك يا مارى :))
بس عموما بما ان هدف التجمع كان نبيل فالاتنين كسبانين :)

Post a Comment